काठमाडौँ । प्रतिनिधिसभा निर्वाचनको मतगणना परिणामले यसपटक मधेशकेन्द्रित दलहरूको उपस्थिति प्रतिनिधिसभामा झण्डै शून्य जस्तै देखिएको छ। मधेशलाई आधार क्षेत्र बनाएका अधिकांश दलहरू प्रत्यक्षतर्फका निर्वाचन क्षेत्रमा पराजित भएपछि उनीहरूको संसदीय उपस्थिति न्यून हुने देखिएको हो।
यस्तै, समानुपातिकतर्फ पनि मधेशकेन्द्रित दलहरू पछाडि परेका छन्। प्रतिनिधिसभामा समानुपातिक प्रणालीबाट ११० सिट वितरण हुने व्यवस्था छ। तर सिट प्राप्त गर्नका लागि दलहरूले कुल सदर मतको कम्तीमा ३ प्रतिशत मत कटाउनुपर्ने कानुनी प्रावधान रहेको छ। हालसम्मको मतपरिणाम अनुसार धेरै मधेशकेन्द्रित दलहरू यो सीमा पार गर्न संघर्षरत देखिएका छन्।
यसका कारण आगामी प्रतिनिधिसभामा मधेशकेन्द्रित दलहरूको प्रभाव र उपस्थिति अघिल्ला चुनावहरूको तुलनामा निकै कमजोर हुने संकेत देखिएको छ। राजनीतिक विश्लेषकहरूका अनुसार मधेश क्षेत्रमा नयाँ राजनीतिक शक्तिको उदय र मतदाताको बदलिँदो मनोविज्ञानका कारण यस्तो परिणाम देखिएको
