एजेन्सी : Israelको वायु सेनाले Iranमाथि अमेरिकासँगको संयुक्त सैन्य अभियानअन्तर्गत एकैदिन १२ सयभन्दा बढी बम खसालिएको दाबी गरेको छ। उक्त आक्रमणलाई हालैका वर्षहरूकै सबैभन्दा तीव्र हवाई कारबाहीका रूपमा लिइएको छ।
आक्रमणका क्रममा दक्षिणी इरानको Hormozgan Provinceअन्तर्गत पर्ने Minabस्थित एक विद्यालयसमेत निशानामा परेको बताइएको छ। स्थानीय स्रोतहरूका अनुसार उक्त हमलामा कम्तीमा १४८ जना स्कुले बालिकाको मृत्यु भएको छ भने दर्जनौँ घाइते भएका छन्। घाइतेहरूको विभिन्न अस्पतालमा उपचार भइरहेको जनाइएको छ।
विद्यालयमा भएको हमलापछि अन्तर्राष्ट्रिय समुदायमा तीव्र प्रतिक्रिया देखिएको छ। बालबालिकालाई लक्षित गरी गरिएको आक्रमणले मानवीय संकट गहिरिएको विश्लेषण गरिएको छ।
इरानका विदेशमन्त्री Abbas Araghchiले विद्यालयमा भएको हमलामा निर्दोष बालबालिकाको हत्या गरिएको भन्दै कडा शब्दमा निन्दा गरेका छन्। उनले दोषीमाथि कारबाही हुने र यसको “बदला लिएरै छाड्ने” चेतावनी दिएका छन्।
उता इजरायलले भने आफ्नो कारबाही रणनीतिक तथा सैन्य संरचनामाथि केन्द्रित रहेको दाबी गर्दै आएको छ। तर विद्यालयमा भएको क्षतिका विषयमा औपचारिक प्रतिक्रिया सार्वजनिक भइसकेको छैन।
यस घटनापछि मध्यपूर्व क्षेत्रमा तनाव झनै चुलिएको छ भने थप द्वन्द्व फैलिन सक्ने आशंका व्यक्त गरिएको छ। अन्तर्राष्ट्रिय समुदायले संयमता अपनाउन र तत्काल युद्धविरामका लागि पहल गर्न आह्वान गरिरहेका
