काठमाडौं, फागुन १७ — आगामी फागुन २१ गते प्रतिनिधि सभा निर्वाचन, २०८२ का लागि देशभर तयारी तीव्र पारिएको छ। यस निर्वाचनमार्फत संघीय संसद् अन्तर्गत प्रतिनिधि सभाका २७५ सदस्य चयन गरिने छन्।
निर्वाचन प्रणालीअनुसार १६५ जना सदस्य प्रत्यक्ष निर्वाचित हुनेछन् भने ११० जना समानुपातिक प्रणालीबाट चयन गरिने छन्।
निर्वाचन आयोगका अनुसार यसपटक कुल मतदाता सङ्ख्या १ करोड ८९ लाख ३ हजार ६८९ पुगेको छ। मतदानका लागि देशभर १० हजार ९६७ मतदान स्थल र २३ हजार ११२ मतदान केन्द्र तोकिएका छन्।
जिल्ला अनुसार निर्वाचन क्षेत्रको विवरण
यस निर्वाचनमा जिल्लाअनुसार निर्वाचन क्षेत्रको संख्या फरक–फरक रहेको छ।
१ निर्वाचन क्षेत्र भएका जिल्ला: ३५
२ निर्वाचन क्षेत्र भएका जिल्ला: २१
३ निर्वाचन क्षेत्र भएका जिल्ला: ७
४ निर्वाचन क्षेत्र भएका जिल्ला: ९
५ निर्वाचन क्षेत्र भएका जिल्ला: ३ — झापा, रूपन्देही र कैलाली
६ निर्वाचन क्षेत्र भएको जिल्ला: १ — मोरङ
१० निर्वाचन क्षेत्र भएको जिल्ला: १ — काठमाडौँ
यसपटकको निर्वाचनलाई संघीय लोकतान्त्रिक गणतन्त्र नेपालका लागि महत्त्वपूर्ण राजनीतिक अभ्यासका रूपमा हेरिएको छ। राजनीतिक दलहरू चुनावी प्रचारप्रसारमा सक्रिय छन् भने सुरक्षा व्यवस्था कडा पारिएको छ।
निर्वाचन परिणामले आगामी पाँच वर्षका लागि संघीय सरकार गठनको मार्ग प्रशस्त गर्नेछ।
